ტკბილი ფლავი ქიშმიშით
ტრადიციული ტკბილი ფლავი — ნაზი, არომატული და გემრიელი დესერტი ქიშმიშითა და გარგარის ჩირით. სასიამოვნო ტკბილი კერძი, რომელიც იდეალურია როგორც დესერტად, ისე საზეიმო სუფრისთვის.
ინგრედიენტები
- 1 ჩაის ჭიქა - ბრინჯი
- 2 ჩაის ჭიქა - წყალი
- 1 ჩაის ჭიქა - შაქარი
- 100 გ - ერბო ან კარაქი
- 200 გ - ქიშმიში
- 100 გ -გარგარის ჩირი
- გემოვნებით მარილი
კვებითი ღირებულება (ერთ პორციაზე)
ტკბილი ფლავი ქიშმიშით მომზადების წესი
- 1
ბრინჯი კარგად გავრეცხოთ რამდენჯერმე, სანამ წყალი გამჭვირვალე არ გახდება. თუ დაორთქლილ ბრინჯს გამოიყენებთ, ბევრი რეცხვა არ დაჭირდება.
- 2
შემდეგ დავყაროთ საწურზე და დავტოვოთ.
- 3
მოზრდილ ქვაბში ჩავასხათ წყალი.
- 4
ჩავაჭრათ ერბო, მარგარინი ან კარაქი.
- 5
დავუმატოთ შაქარი და მარილი.
- 6
დავდგათ ცეცხლზე და ვურიოთ, სანამ ყველაფერი კარგად გაიხსნება.
- 7
რომ ადუღდება, ჩავყაროთ შემშრალი ბრინჯი და 10 წუთის განმავლობაში ვურიოთ.
- 8
10 წუთის შემდეგ,წამოდუღებისთანავე დავახუროთ ქვაბს თავსახური.
- 9
ვხარშოთ თავდახურული დაბალ ცეცხლზე 40 წუთის განმავლობაში.
- 10
შემდეგ დავამატოთ ქიშმიში და გარგარის ჩირი.
- 11
ისევ დავახუროთ და დაველოდოთ, რომ ქიშმიშები გაფუმფულდეს (5-10 წუთი).
- 12
ბოლოს ფრთხილად გადავურიოთ, რომ ჩირი და ქიშმიში თანაბრად გადანაწილდეს.
- 13
მივირთვათ თბილად ან ცივად, სურვილისამებრ.
Chef's Tips
- დაორთქლილი ბრინჯისგან საუცხოო ფანტია ფლავი გამოდის
- ბრინჯი კარგად გარეცხეთ, რომ წებოვნება ამოვიდეს.
- ხარშვისას არ მოხადოთ სახურავი - ბრინჯი უნდა მოიხარშოს ორთქლზე.
- ფლავი ხარშეთ ისეთ დაბალ ცეცხლზე, რომ ხარშვა არ მიატოვოს, მაგრამ სულ ოდნავ დუღდეს.
- შეგიძლიათ დაამატოთ სხვა გამომშრალი ხილი
- ასევე შეგიძლიათ დაამატოთ ნაყოფი კომშის ან ალუბლის მურაბიდან
- თუ უფრო ტკბილს ამჯობინებთ, დაამატეთ მეტი შაქარი.
- ფლავი მეორე დღეს კიდევ უფრო გემრიელია, როცა გემო კარგად გაუჯდება.
რატომაა ტკბილი ფლავი ქიშმიშით სასარგებლო
- ბრინჯი არ შეიცვას გლუტენს. ხელს უწყობს საჭმლის მონელებას და გულის ჯანმრთელობას. ამაღლებს სეროტონინს - კარგ ხასიათზე მომყვან ჰორმონს. არეგულირებს მადას.
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
