ისპანახის ფხალი - მწვანე ფხალი
ტრადიციული ქართული მწვანე ფხალი — ისპანახი, ნიგოზი და არომატული მწვანილები ქმნიან უნიკალურ, ჯანსაღ და გემრიელ კერძს. იდეალურია მჭადთან ან ღომთან მისართმევად.
წინასწარი დრო
20 წთ
მომზადების დრო
30 წთ
პორცია
6
რეიტინგი
5
ინგრედიენტები
- 1 კგ - ისპანახი
- 200 გ - ნიგოზი
- 2 თავი - ხახვი
- 2 კბილი - ნიორი
- გემოვნებით - ხმელი ქინძი
- გემოვნებით - ძმარი
- გემოვნებით - ქინძი
- გემოვნებით - ოხრახუში
- გემოვნებით - მარილი
- გემოვნებით - წიწაკა
კვებითი ღირებულება (ერთ პორციაზე)
კალორია180
ცილა8 გ
ნახშირწყლები12 გ
ცხიმი12 გ
ბოჭკო5 გ
რეცეპტის ავტორი:
სახლური რეცეპტებიისპანახის ფხალი - მწვანე ფხალი მომზადების წესი
- 1
ისპანახი გავარჩიოთ და კარგად გავრეცხოთ.
- 2
ჩავყაროთ ქვაბში, დავასხათ წყალი, დავახუროთ სახურავი და მოვხარშოთ.
- 3
მოხარშული ისპანახი გადავიტანოთ საწურზე, გავაციოთ და მერე ხელით კარგად გავწუროთ და დავკეპოთ.
- 4
დავნაყოთ ან გავატაროთ ბლენდერში ნიგოზი, ნიორი, ქინძის თესლი ან ხმელი ქინძი, წიწაკა და მარილი.
- 5
ნიგვზიანი მასა გავხსნათ ძმარში, დავამატოთ ცოტა ისპანახის წვენი.
- 6
დავამატოთ წვრილად დაჭრილი ხახვი, ქინძი და ოხრახუში.
- 7
ეს ყველაფერი კარგად ავურიოთ დაკეპილ ისპანახში.
- 8
მივცეთ დიდი ბურთულების ფორმა.
- 9
მოვაყაროთ ბროწეულის მარცვლები და მივირთვათ.
Chef's Tips
- ისპანახი კარგად გაწურეთ, რომ ფხალი არ გამოვიდეს თხევადი.
- შეგიძლიათ გამოიყენოთ გაყინული ისპანახიც, თუ ახალი არ გაქვთ.
- დაამატეთ მეტი ნიორი, თუ უფრო მკვეთრ გემოს ამჯობინებთ.
- ძმრის ნაცვლად შეგიძლიათ ბროწეულის წვენის გამოყენება
- ფხალი უკეთესად ინახება მაცივარში და გემო მეორე დღეს კიდევ უფრო გამოიხატება.
რატომაა ისპანახის ფხალი - მწვანე ფხალი სასარგებლო
- ისპანახი მდიდარია A, C, K ვიტამინებით და ისეთი მინერალიბეით, როგორიცაა რკინა და მაგნიუმი, რაც ხელს უწყობს ზოგად ჯანმრთელობას, ძვლების სიმკვრივეს, მხედველობის გაუმჯობესებას და იმუნიტეტის გაძლიერებას. მასში შემავალი ბოჭკო არეგულირებს წონას.
- ნიგოზი მდიდარია ომეგა-3 ცხიმოვანი მჟავებით, ანტიოქსიდანტებით, მაგნიუმითა და ცილებით. სასარგებლოა გულ-სისხლძარღვთა სისტემისთვის, ტვინის ჯანმრთელობისთვის, ანთების შემცირებისა და კანისთვის.
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- ნიორი აქვს ანტიოქსიდანტური და ანთების საწინააღმდეგო ეფექტი. აძლიერებს იმუნურ სისტემას, ამცირებს, სისხლის წნევას, შაქარს და ქოლესტერინს. აქვს ანტიმიკრობული და სოკოს საწინააღდეგო თვისებები.
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
