ჭარხლის ფოთლების ფხალი - წითელი ფხალი
ქართული ტრადიციული წითელი ფხალი ჭარხლის ფოთლებით — ნიგვზიანი, არომატული და ჯანსაღი კერძი. უნიკალური გემო და ლამაზი წითელი ფერი გახდის მას სუფრის ნამდვილ მორთულობად.
ინგრედიენტები
- 1 კგ ჭარხლის ფოთოლი
- 2 ჩაის ჭიქა ნიგოზი
- 2 თავი ხახვი
- 3 ძირი ქინძი
- 3 ძირი ოხრახუში
- 3 ძირი ნიახური
- 3 ძირი კამა
- გემოვნებით ძმარი
- გემოვნებით წიწაკა
- გემოვნებით ხმელი ქინძი
- გემოვნებით მარილი
- ბროწეულის მარცვლები დასაფარად
კვებითი ღირებულება (ერთ პორციაზე)
ჭარხლის ფოთლების ფხალი - წითელი ფხალი მომზადების წესი
- 1
გარჩეული და გარეცხილი ჭარხლის ფოთლები ჩავყაროთ ქვაბში.
- 2
დავასხათ ცოტა ადუღებული წყალი, დავახუროთ სახურავი და მოვხარშოთ.
- 3
როცა მოიხარშება და შეგრილდება, კარგად გავწუროთ (წვენი შევინახოთ).
- 4
დავნაყოთ ან გავატაროთ ბლენდერში ნიგოზი, ხმელი ქინძი ან ქინძის თესლი, მარილი და წითელი დაფქული წიწაკა.
- 5
ეს მასა გავხსნათ ძმარში, რომელსაც დამატებული ექნება ჭარხლის ფოთლების წვენი.
- 6
დავამატოთ წვრილად დაკეპილი ხახვი, ოხრახუში, ქინძი, კამა და ნიახური.
- 7
ეს ნარევი კარგად ავურიოთ დაკეპილ ჭარხლის ფოთოლს.
- 8
მივცეთ ბურთულების ფორმა.
- 9
გადავიტანოთ თეფშზე და მოვაყაროთ ბროწეულის მარცვლები.
- 10
მივირთვათ ცივად, სასწურველია მჭადთან.
Chef's Tips
- თუ ჭარხლის ფოთლებს ნორჩი ძირები აქვს, შეგიძლიათ ისინიც მოხარშოთ და დაამატოთ.
- ფოთლები კარგად გაწურეთ, რომ ფხალი სწორი კონსისტენციის იყოს.
- დაამატეთ მეტი წითელი წიწაკა, თუ პიკანტურ გემოს ამჯობინებთ.
- ფხალი უკეთესად ინახება მაცივარში და 2-3 დღე შეგიძლიათ შეინახოთ.
- ბროწეულის მარცვლები აძლევს ფხალს დამატებით გემოსა და დეკორატიულობას.
რატომაა ჭარხლის ფოთლების ფხალი - წითელი ფხალი სასარგებლო
- ჭარხლის ფოთოლი არეგულირებს წნევას, აძლიერებს სისხლძარღვებს და გულს, ხელს უშლის გულის დაავადებების წარმოქმნას ან განივთარებას. შეიცავს ბეტალაინს (წითელ პიგმენტს), რომელიც აუციელებელია ტვინის უჯრედებისა და ღვიძლის ფუნქციონირებისთვის
- ნიგოზი მდიდარია ომეგა-3 ცხიმოვანი მჟავებით, ანტიოქსიდანტებით, მაგნიუმითა და ცილებით. სასარგებლოა გულ-სისხლძარღვთა სისტემისთვის, ტვინის ჯანმრთელობისთვის, ანთების შემცირებისა და კანისთვის.
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
