მწვანე ლობიო პომიდვრით
ქართული ტრადიციული კერძი - მწვანე ლობიო ახალი პომიდვრით, ხახვითა და ბულგარული წიწაკით მოთუშული. მსუბუქი, ჯანსაღი და არომატული საზაფხულო კერძი.
ინგრედიენტები
- 500 გ - მწვანე ლობიო
- 2 თავი - ხახვი
- 3 ც - პომიდორი
- 1 ც - წითელი ბულგარული წიწაკა
- 100 გ - კარაქი
- 2 კბილი - ნიორი
- გემოვნებით ქინძი
- გემოვნებით რეჰანი
- გემოვნებით მარილი
კვებითი ღირებულება (ერთ პორციაზე)
მწვანე ლობიო პომიდვრით მომზადების წესი
- 1
მწვანე ლობიო გავარჩიოთ და გავრეცხოთ.
- 2
დავტეხოთ სამ-ოთხ ნაწილად და ჩავყაროთ ქვაბში.
- 3
წყალი ცალკე ავადუღოთ.
- 4
დავასხათ ლობიოს იმდენი მდუღარე წყალი, რომ ოდნავ ფარავდეს.
- 5
ვხარშოთ სანამ ლობიო რბილდება.
- 6
როდესაც ლობიო მოიხარშება, გადავიტანოთ საწურზე.
- 7
ქვაბში მოვათავსოთ კარაქი და გავაცხელოთ.
- 8
ჩავყაროთ წვრილად დაჭრილი ხახვი.
- 9
დავამატოთ საშუალოდ დაჭრილი ბულგარული წიწაკა.
- 10
მოვშუშოთ ნელ ცეცხლზე.
- 11
ხახვი ოქროსფრად რომ მოიბრაწება, დავამატოთ კანგაცლილი გატარებული ან დაჭყლეტილი პომიდორი.
- 12
ვთუშოთ, სანამ პომიდორი კარგად დარბილდება.
- 13
თუ ძალიან ჩაშრება, დავამატოთ საჭიროებისამებრ ადუღებული წყალი.
- 14
ჩავამატოთ გაწურული მწვანე ლობიო.
- 15
დავამატოთ გატარებული ან დაჭყლეტილი ნიორი.
- 16
ჩავამატოთ დაჭრილი ქინძი და რეჰანი.
- 17
დავამატოთ მარილი და კარგად მოვურიოთ.
- 18
წამოვადუღოთ რამდენიმე წუთის განმავლობაში და გადმოვდგათ ცეცხლიდან.
- 19
მივირთვათ თბილი, პურთან ერთად.
Chef's Tips
- უფრო ნოყიერი სადილისთვის პომიდორთან ერთად დაამატეთ კუბიკებად დაჭრილი კარტოფილი.
- ლობიო არ გადაახარშოთ - უნდა იყოს რბილი, მაგრამ არა გადახარშული.
- თუ უფრო წვნიანს ამჯობინებთ, დაამატეთ მეტი წყალი.
- შეგიძლიათ დაამატოთ ტომატის პასტა უფრო მდიდარი გემოსთვის.
- კერძი მეორე დღეს კიდევ უფრო გემრიელია.
- იდეალურია როგორც დამოუკიდებელი კერძი ან გარნირად ხორციან კერძებთან.
რატომაა მწვანე ლობიო პომიდვრით სასარგებლო
- ლობიო მდიდარია ცილებით, ფოლიუმის მჟავით, მაგნიუმითა და კალიუმით. ხელს უწყობს კუნთების განვითარებას, გულ-სისხლძარღვთა ჯანმრთელობას და საჭმლის მონელებას.
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- პომიდორი მდიდარია C ვიტამინით, ლიკოპენითა და ანტიოქსიდანტებით. ხელს უწყობს გულ-სისხლძარღვთა ჯანმრთელობას, კანის მდგომარეობას და იმუნიტეტს.
- ბულგარული წიწაკა მდიდარია C ვიტამინით, ანტიოქსიდანტებითა და ბეტა-კაროტინით. ხელს უწყობს იმუნიტეტს, კანის ჯანმრთელობას და ანთების შემცირებას.
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
- ნიორი აქვს ანტიოქსიდანტური და ანთების საწინააღმდეგო ეფექტი. აძლიერებს იმუნურ სისტემას, ამცირებს სისხლის წნევას, შაქარს და ქოლესტერინს. აქვს ანტიმიკრობული და სოკოს საწინააღდეგო თვისებები.
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
