ძროხის ხორცის სუპი
ქართული ტრადიციული მდიდარი ხორცის სუპი - ძროხის ხორცი, ბოსტნეული და მაკარონით. მაგიერი, საკმაოდ გემრიელი და ჯანსაღი, რომელიც ენერგიით ავსებს და აცხელებს ცივ დღეებში.
ინგრედიენტები
- 1 კგ - ძროხის ხორცი
- 2 თავი - ხახვი
- 2 ც - სტაფილო
- 3ც - კარტოფილი
- 1 ჩ.ჭიქა - ვერმიშელი, მაკარონი ან ბრინჯი
- 2 ც - პომიდორი
- გემოვნებით ოხრახუში
- გემოვნებით კამა
- გემოვნებით ნიახური
- გემოვნებით წიწაკა
- გემოვნებით მარილი
კვებითი ღირებულება (ერთ პორციაზე)
ძროხის ხორცის სუპი მომზადების წესი
- 1
გავრეცხოთ და დავჭრათ ძროხის ხორცის მკერდი ან ძვლიანი ხორცის ნაჭრები.
- 2
მოვათავსოთ მოზრდილ ქვაბში.
- 3
დავასხათ ცივი წყალი და დავდგათ მოსახარშად.
- 4
პირველი ადუღებისას მოყენებული ქაფი მოვხადოთ.
- 5
ხორცი ნახევრად რომ მოიხარშება (დაახლოებით 30- 40 წუთი), ჩავუმატოთ მთელ-მთელი გარეცხილი ხახვები.
- 6
დავამატოთ მსხვილად დაჭრილი გათლილი სტაფილო და დიდ კუბიკებად დაჭრილი კარტოფილი.
- 7
ვხარშოთ კიდევ 20 წუთი.
- 8
მოხარშული ხახვი, კარტოფილი და სტაფილო დროებით ამოვიღოთ.
- 9
ჩავამატოთ ბრინჯი ან ვერმიშელი ან მაკარონი.
- 10
5 წუთის დუღილის შემდეგ დავუმატოთ კანგაცლილი დაჭყლეტილი პომიდორი ან 1 სუფრის კოვზი ტომატის პასტა.
- 11
კიდევ 5 წუთის დუღილის შემდეგ დავუმატოთ წვრილად დაჭრილი ოხრახუში, კამა და ნიახური.
- 12
ჩავაბრუნოთ ხახვი, კარტოფილი და სტაფილო.
- 13
დავამატოთ მარილი და წიწაკა გემოვნებით.
- 14
მოვურიოთ და გადმოვდგათ.
- 15
მივირთვათ ცხელი, პურთან ერთად.
Chef's Tips
- ძვლიანი ხორცის გამოყენება უფრო სასარგებლო ბულიონს იძლევა.
- შეგიძლიათ გამოიყენოთ ნებისმიერი მაკარონის ფორმა -გრძელი, ვერმიშელი, ბაბოტა ან პატარა მაკარონი.
- ბრინჯის გამოყენებისას სუპი უფრო გასქელდება.
- შეგიძლიათ დაამატოთ დაფნის ფოთოლი, ნიორი ან შავი პილპილი დამატებითი არომატისთვის.
- მწვანილი ბოლოს დაამატეთ, რომ არ დაკარგოს არომატი.
- სუპი შესანიშნავად ინახება მაცივარში 2-3 დღე და შეიძლება გაყინვაც.
რატომაა ძროხის ხორცის სუპი სასარგებლო
- ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- კარტოფილი კარგი ენერგიის წყაროა, მდიდარია C ვიტამინით, კალიუმით და ფოლიუმის მჟავით. ხელს უწყობს გულ-სისხლძარღვთა ჯანმრთელობას, კანის მდგომარეობის გაუმჯობესებას და საჭმლის მონელებას.
- ბრინჯი არ შეიცვას გლუტენს. ხელს უწყობს საჭმლის მონელებას და გულის ჯანმრთელობას. ამაღლებს სეროტონინს - კარგ ხასიათზე მომყვან ჰორმონს. არეგულირებს მადას.
- პომიდორი მდიდარია C ვიტამინით, ლიკოპენითა და ანტიოქსიდანტებით. ხელს უწყობს გულ-სისხლძარღვთა ჯანმრთელობას, კანის მდგომარეობას და იმუნიტეტს.
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
- კამა მდიდარია ანტიოქსიდანტებით, ვიტამინებითა და მინერალებით. ხელს უწყობს იმუნიტეტს, საჭმლის მონელებას და ანთების შემცირებას.
