ინგრედიენტები
- 500 გ - მაწონი
- 500 გ - წყალი
- 2 თავი - ხახვი
- 50გ - მოხარშული ბრინჯი
- 50 გ - კარაქი
- 2 ს.კ. - ფქვილი
- 2 ც - კვერცხი
- გემოვნებით - კამა
- გემოვნებით მარილი
კვებითი ღირებულება (ერთ პორციაზე)
კალორია220
ცილა12 გ
ნახშირწყლები18 გ
ცხიმი12 გ
ბოჭკო1 გ
რეცეპტის ავტორი:
სახლური რეცეპტებიმაწვნის სუპი მომზადების წესი
- 1
ხახვი წვრილად დავჭრათ.
- 2
ჩავყაროთ ქვაბში და მოვხრაკოთ კარაქში.
- 3
მაწონს დავასხათ თბილი წყალი და კარგად გავთქვიფოთ.
- 4
ჩავასხათ მოშუშულ ხახვში.
- 5
ადუღებამდე განუწყვეტლივ ვურიოთ ხის კოვზით, რომ არ აიჭრას.
- 6
ჩავამატოთ მოხარშული ბრინჯი (თუ იყენებთ) და დავამატოთ კარაქი.
- 7
ცალკე ჭურჭელში კვერცხს დავუმატოთ პურის ფქვილი და კარგად ავთქვიფოთ.
- 8
ათქვეფილი კვერცხი თანდათანობით ჩავუშვათ ქვაბში.
- 9
თან განუწყვეტლივ ვურიოთ, რომ კვერცხი არ აიჭრას.
- 10
ჩავყაროთ წვრილად დაჭრილი კამა და მარილი.
- 11
როგორც კი ადუღებას დააპირებს, გამოვრთოთ.
- 12
მივირთვათ თბილად ან ცივად, სურვილისამებრ.
Chef's Tips
- განუწყვეტლივ აურიეთ, რომ მაწონი და კვერცხი არ აიჭრას.
- მაწონს თბილ წყალს ამატებთ, რომ უკეთ გაიხსნას.
- ბრინჯი არჩევითია - შეგიძლიათ გააკეთოთ მის გარეშეც.
- არ ადუღოთ კვერცხის დამატების შემდეგ - აიჭრება.
- კამა ბოლოს დაამატეთ, რომ არ დაკარგოს არომატი. ასევე შეგიძ₾იათ დაამატოთ ოხრახუში ან რეჰანი
- შეგიძლიათ მიირთვათ როგორც ცხელი, ისე ცივი - ორივე ვარიანტი გემრიელია.
რატომაა მაწვნის სუპი სასარგებლო
- მაწონი შეიცავს პრობიოტიკებს, რომლებიც ხელს უწყობენ ნაწლავების ჯანმრთელობას, საჭმლის მომნელებელ სისტემას, წონის რეგულირებას და ქოლესტერინის დონის შემცირებას სისხლში.
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- ბრინჯი არ შეიცვას გლუტენს. ხელს უწყობს საჭმლის მონელებას და გულის ჯანმრთელობას. ამაღლებს სეროტონინს - კარგ ხასიათზე მომყვან ჰორმონს. არეგულირებს მადას.
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
- კვერცხი მდიდარია ცილებით, ანტიოქსიდანტებით და ვიტამინებით (A, D, B12). ხელს უწყობს კუნთების განვითარებას, ტვინის ფუნქციის გაუმჯობესებას და იმუნურ სისტემას.
- კამა მდიდარია ანტიოქსიდანტებით, ვიტამინებითა და მინერალებით. ხელს უწყობს იმუნიტეტს, საჭმლის მონელებას და ანთების შემცირებას.
