კარტოფილის ბურთულები ყველით
გემრიელი და ხრაშუნა კარტოფილის ბურთულები გამდნარი ყველით შიგნით - იდეალური სნექი ან გარნირი. ოქროსფერი დაბრაწული გარედან და ნაზი, ყველიანი შიგნიდან, რომელსაც ოჯახის ყველა წევრი შეიყვარებს.
ინგრედიენტები
- 1 კგ - კარტოფილი
- 300 გ - სულგუნი ან ყველი
- 100 გ - კარაქი
- 2 ც - კვერცხი
- 100 გ - საფანელი
- საჭიროებისამებრ - ზეთი შესაწვავად
- გემოვნებით - მარილი
კვებითი ღირებულება (ერთ პორციაზე)
კარტოფილის ბურთულები ყველით მომზადების წესი
- 1
კარტოფილი გავთალოთ და კარგად გავრეცხოთ.
- 2
დავჭრათ თხელ რგოლებად და მოვხარშოთ.
- 3
ხარშვის დროს მოყენებული ქაფი მოვაშოროთ.
- 4
ყველი დავჭრათ პატარა კუბიკებად.
- 5
ღრმა თეფშზე გავთქვიფოთ კვერცხი.
- 6
მეორე ღრმა თეფშზე დავყაროთ საფანელი
- 7
მოხარშულკარტოფილს დავამატოთ მარილი და კარაქის ნაჭრები და კარგად დავსრისოთ კარტოფილის საჭყლეტით ან ჩანგლით.
- 8
კარგად ავურიოთ, რომ ერთგვაროვანი, ფაფუკი პიურე მივიღოთ.
- 9
ავიღოთ პიურეს გუნდა და დავიდოთ ხელისგულზე.
- 10
შუაში ჩავდოთ ყველის კუბიკი.
- 11
პიურე გარშემო შემოვაკრათ და გავაკეთოთ ბურთულა, რომ ყველი სრულად დაიფაროს.
- 12
ტაფა გავაცხელოთ და დავასხათ საკმარისი ზეთი.
- 13
ბურთულა ჯერ ამოვავლოთ გათქვეფილ კვერცხში.
- 14
შემდეგ ამოვავლოთ საფანელში ყველა მხრიდან.
- 15
შევწვათ ცხელ ზეთში ყველა მხრიდან ოქროსფერ ფერამდე.
- 16
ამოვიღოთ და დავალაგოთ ლანგარზე ზედმეტი ზეთის მოსაცილებლად.
- 17
მივირთვათ თბილი.
Chef's Tips
- პიურე უნდა გაგრილდეს, რომ ბურთულების ფორმირება უფრო ადვილი იყოს.
- ყველი კარგად დაფარეთ პიურით, რომ შეწვრისას არ გამოვიდეს.
- შეგიძლიათ გამოიყენოთ სხვადასხვა სახის ყველი - მოცარელა, ჩედარი ან მიქსი.
- ზეთი საკმარისად გახურებული უნდა იყოს, რომ ბურთულები სწრაფად შეიწვას.
- პიურეს შეგიძლიათ დაამატოთ ნიორი, კამა ან შავი პილპილი დამატებითი გემოსთვის.
- ბურთულები შეიძლება წინასწარ მოამზადოთ და გააყინოთ, შემდეგ საჭიროებისამებრ შეწვათ.
- გემრიელია ნებისმიერ სოუსთან ერთად.
რატომაა კარტოფილის ბურთულები ყველით სასარგებლო
- კარტოფილი კარგი ენერგიის წყაროა, მდიდარია C ვიტამინით, კალიუმით და ფოლიუმის მჟავით. ხელს უწყობს გულ-სისხლძარღვთა ჯანმრთელობას, კანის მდგომარეობის გაუმჯობესებას და საჭმლის მონელებას.
- ყველი მდიდარია კალციუმით, ვიტამინ B12-თი და ცილებით. ხელს უწყობს ძვლების ჯანმრთელობას, კბილების სიძლიერეს და ენერგიას.
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
- კვერცხი მდიდარია ცილებით, ანტიოქსიდანტებით და ვიტამინებით (A, D, B12). ხელს უწყობს კუნთების განვითარებას, ტვინის ფუნქციის გაუმჯობესებას და იმუნურ სისტემას.
