საქონლის ხორცის ჩახოხბილი
ტრადიციული ქართული კერძი - საქონლის ნაზი ხორცი პომიდვრის სოუსში, ხახვითა და არომატული მწვანილებით. მდიდარი, წვნიანი და უგემრიელესი, იდეალურია ოჯახურ ან საზეიმო სუფრაზე.
ინგრედიენტები
- 1 კგ - საქონლის ხორცი
- 3-4 - თავი ხახვი
- 1 კგ - პომიდორი
- 1-2 კბილი - ნიორი
- გემოვნებით - ქინძი
- გემოვნებით - ოხრახუში
- გემოვნებით - წიწაკა
- გემოვნებით - მარილი
- გემოვნებით - კარაქი ან ერბო
კვებითი ღირებულება (ერთ პორციაზე)
საქონლის ხორცის ჩახოხბილი მომზადების წესი
- 1
ხორცი კარგად გავრეცხოთ და დავჭრათ პატარა ნაჭრებად.
- 2
ჩავაწყოთ ქვაბში, დავასხათ ცოტა წყალი.
- 3
მოვშუშოთ დაბალ ცეცხლზე 15-20 წუთი.
- 4
შემდეგ დავამატოთ არც ძალიან წვრილად დაჭრილი ხახვი.
- 5
დავუმატოთ კარაქი ან ერბო და ერთად მოვხრაკოთ.
- 6
სანამ ხორცი ითუშება, პომიდორს დავასხათ მდუღარე წყალი და გავაჩეროთ რამდენიმე წუთი, რათა კანი ადვილად მოვშორდეს.
- 7
პომიდორს მოვაშოროთ კანი და პომიდორის რბილობი დავჭრათ მცირე ზომებზე.
- 8
დავასხათ მოხრაკულ ხორცსა და ხახვს.
- 9
კარგად ავურიოთ.
- 10
ვხარშოთ ზომიერ ცეცხლზე 20-25 წუთი, რომ ხორცი კარგად მოიხარშოს.
- 11
დავამატოთ წვრილად დაჭრილი ქინძი, ოხრახუში, დანაყილი ან დაჭყლეტილი ნიორი.
- 12
დავამატოთ წიწაკა ან აჯიკა და მარილი გემოვნებით.
- 13
ვადუღოთ კიდევ 5 წუთი, რომ გემო კარგად გაუჯდეს.
- 14
სუფრაზე მიტანის წინ კიდევ მოვაყაროთ დაჭრილი ახალი მწვანილი (ქინძი, ოხრახუში).
- 15
მივირთვათ ცხლად, პურთან ან გარნირთან ერთად.
Chef's Tips
- თუ პომიდორი არ არის საკმარისად წვნიანი, დაამატეთ ცოტა წყალი.
- ნაკლებად მძაფრი გემოსთვის შეგიძ₾იათ ნიორი ამოიღოთ
- ჩახოხბილი უკეთესია დაბალ ცეცხლზე ნელა მოხარშოთ - ხორცი უფრო რბილი გამოდის.
- შეგიძლიათ დაამატოთ წითელი და მწვანე წიწაკა დამატებითი გემოსთვის.
- მწვანილი ბოლოს დაამატეთ, რომ არ დაკარგოს არომატი.
- ჩახოხბილი მეორე დღეს კიდევ უფრო გემრიელია, როცა გემო კარგად გამოიხატება.
- იდეალურია ბრინჯთან, კარტოფილის პიურესთან ან პურთან ერთად.
- საქონლის ხორცისთვის აირჩიეთ რბილი ნაწილი.
რატომაა საქონლის ხორცის ჩახოხბილი სასარგებლო
- ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- პომიდორი მდიდარია C ვიტამინით, ლიკოპენითა და ანტიოქსიდანტებით. ხელს უწყობს გულ-სისხლძარღვთა ჯანმრთელობას, კანის მდგომარეობას და იმუნიტეტს.
- ნიორი აქვს ანტიოქსიდანტური და ანთების საწინააღმდეგო ეფექტი. აძლიერებს იმუნურ სისტემას, ამცირებს სისხლის წნევას, შაქარს და ქოლესტერინს. აქვს ანტიმიკრობული და სოკოს საწინააღდეგო თვისებები.
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
