ყიყლიყო
ყიყლიყო — იგივე ფრანგული ტოსტი ძალიან მარტივი კერძია, რომელიც მზადდება კვერცხისა და პურის კომბინაციით. ფაფუკი და ოდნავ ხრაშუნა პურის ფენები, შემწვარი ყველის არომატით, იდეალურია საუზმისთვის
ინგრედიენტები
- 3 ცალი — კვერცხი
- 4 ნაჭერი — პური (თხელი ან ტოსტერის)
- 50 გ — ყველი (გახეხილი)
- გემოვნებით — მარილი
- 1 სუფრის კოვზი — კარაქი ან ზეთი
კვებითი ღირებულება (ერთ პორციაზე)
ყიყლიყო მომზადების წესი
- 1
კვერცხი კარგად ათქვიფე და დაუმატე ცოტაოდენი მარილი.
- 2
პური დაჭერი თხელ ნაჭრებად ან გამოიყენე ტოსტერის პური.
- 3
ტაფა გააცხელე და ცხელ ტაფაში მოათავსე კარაქი ან ზეთი.
- 4
პურის ნაჭრები ამოავლე ათქვეფილ კვერცხში ისე, რომ ცოტაოდენი მასა დარჩეს და გადაიტანე ცხელ ტაფაზე.
- 5
დარჩენილ კვერცხის მასაში ჩახეხე ყველი, მოურიე და გადაიტანე პურის ნაჭრებზე ისე, რომ ზედაპირი კარგად დაფაროს.
- 6
ტაფას დაახურე და დატოვე საშუალო ცეცხლზე.
- 7
როდესაც ყველი კარგად გადნება, გადააბრუნე ნაჭრები ყველიანი ზედაპირით ქვემოთ, კვლავ დაახურე და შეწვი რამდენიმე წუთით, სანამ ყველიც მოიბრაწება.
- 8
ყიყლიყოები გადაიტანე თეფშზე და მიირთვით ნებისმიერი სოუსით ან ძეხვით ან მის გარეშე.
Chef's Tips
- შეგიძლია ყველის ნაცვლად გამოიყენო ძეხვის ან სოსისის თხელი ნაჭრები.
- პური შეგიძლია ოდნავ წინასწარ შეაშრო ტოსტერში, რომ უფრო ხრაშუნა გამოვიდეს.
- სასურველია მიირთვა ცხლად, როცა ყველი ჯერ კიდევ დამდნარია.
რატომაა ყიყლიყო სასარგებლო
- კვერცხი მდიდარია ცილებით, ანტიოქსიდანტებით და ვიტამინებით (A, D, B12). ხელს უწყობს კუნთების განვითარებას, ტვინის ფუნქციის გაუმჯობესებას და იმუნურ სისტემას.
- ყველი მდიდარია კალციუმით, ვიტამინ B12-თი და ცილებით. ხელს უწყობს ძვლების ჯანმრთელობას, კბილების სიძლიერეს და ენერგიას.
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
