ინდაურის საცივი

ინგრედიენტები

• 500 გ — ინდაური ან ქათამი
• 500 გ — ნიგოზი
• 4–5 თავი — ხახვი
• 2 ჩაის კოვზი — ზაფრანა
• 4 ჩაის კოვზი — უცხო სუნელი
• 2 ჩაის კოვზი — ხმელი ქინძი
• 3–4 ცალი — მიხაკი
• 1 ჩაის კოვზი — დარიჩინი
• 4 კბილი — ნიორი
• 1 სუფრის კოვზი — ძმარი
• 10 ჩაის ჭიქა — ნახარში ბულიონი
• მარილი და წიწაკა — გემოვნებით

ინდაურის საცივი მომზადების წესი

1. 1

   გაასუფთავე და გარეცხე ინდაური, მოათავსე ქვაბში, დაასხი წყალი და ნახევრად მოხარშე.

2. 2

   ამოიღე ბულიონიდან, გადაიტანე თუნუქის ფურცელზე და შეწვი აირღუმელში.

3. 3

   ბულიონს მოხადე ზედაპირზე შეგროვილი ცხიმი.

4. 4

   ცხიმში მოშუშე ხორცსაკეპში გატარებული ხახვი, შუშვისას პერიოდულად დაუმატე ბულიონის ცხიმი.

5. 5

   როცა ხახვი ოდნავ ვარდისფერს მიიღებს, ჩაასხი ისევ ბულიონში.

6. 6

   ნიგოზი ორჯერ გაატარე ხორცსაკეპში. ზაფრანა მარილთან ერთად დანაყე, დაამატე ნიორი და აურიე ნიგოზს, სანამ ზეთს გამოყოფს.

7. 7

   ცალკე დანაყე უცხო სუნელი, დარიჩინი, მიხაკი, ქინძის მარცვლები და წიწაკა. ეს ნარევი ნიგოზს შეურიე.

8. 8

   ყველაფერი გახსენი თბილ ბულიონში, კარგად მოურიე, გაატარე საცერში და დაადგი ნელ ცეცხლზე.

9. 9

   კვერცხის გული აურიე ძმარში. როცა საცივი თითქმის მზადაა, ნელა ჩაასხი და თან ურიე, რომ არ აიჭრას.

10. 10

    მზადების ბოლოს დაუმატე ნაჭრებად დაჭრილი შემწვარი ინდაური. ადუღებისთანავე გადმოდგი ცეცხლიდან.

11. 11

    გადმოიტანე ლანგარზე და სუფრაზე მიტანის წინ მოასხი ნიგვზის ზეთი.