ჩანახი ქოთანში
ტრადიციული ქართული კერძი - ხორცი და ბოსტნეული თიხის ქოთნებში გამომცხვარი. ყველა ინგრედიენტი ერთად იხარშება და იკრავს ერთმანეთის გემოს. უნიკალური, არომატული და სრულყოფილი კერძი.
ინგრედიენტები
- 1 კგ - ცხვრის ან ძროხის ხორცი
- 1 კგ - პომიდორი
- 800 გ - კარტოფილი
- 3-4 - პატარა თავი ხახვი
- 2 ც - ბულგარული წიწაკა
- 6 ც - ბადრიჯანი
- 1 თავი - ნიორი
- 200 მლ - თეთრი ღვინო
- გემოვნებით - რეჰანი
- გემოვნებით - ოხრახუში
- გემოვნებით - მწვანე წიწაკა
- გემოვნებით - მარილი
კვებითი ღირებულება (ერთ პორციაზე)
ჩანახი ქოთანში მომზადების წესი
- 1
ხორცი დავჭრათ მოზრდილ ნაჭრებად (თითო ქოთანზე 3-4 ნაჭერი).
- 2
ბადრიჯნები გავჭრათ სიგრძეზე ნახევრად.
- 3
თითოეულ ნახევარში გავაკეთოთ ჩაჭრა სიგრძეზე.
- 4
ჩავტენოთ რეჰანის და ოხრახუშის ფოთლები.
- 5
პომიდორი დავტოვოთ კანიანად, მთლიანად ან ნახევრებად.
- 6
ბულგარული წიწაკა გავჭრათ ნახევრებად და გამოვაცალოთ თესლი.
- 7
კარტოფილი გავთალოთ და დავჭრათ კუბიკებად.
- 8
თითოეულ თიხის ქოთანში ჯერ ჩავალაგოთ 3-4 ხორცის ნაჭერი.
- 9
შემდეგ ჩავდოთ 2 პატარა პომიდორი.
- 10
დავამატოთ ნახევარი ბულგარული წიწაკა.
- 11
ჩავდოთ ერთი პატარა თავი ხახვი.
- 12
დავამატოთ შუაზე გაჭრილი 1 კბილი ნიორი.
- 13
ჩავდოთ 2 ცალ-ცალკე ნახევარი გაჭრილი და მწვანილით გამოტენილი ბადრიჯანი.
- 14
ზემოდან დავალაგოთ დაჭრილი კარტოფილი.
- 15
თუ ცხარე გირჩევნიათ, ჩავამატოთ გულგამოცლილი მწვანე წიწაკის ნაჭრები.
- 16
მოვაყაროთ მარილი.
- 17
დავასხათ ნახევარი ჩაის ჭიქა თეთრი ღვინო.
- 18
ქოთანი შევავსოთ წყლით.
- 19
შევდგათ ღუმელში 180 გრადუსზე ხორცის მოხარშვამდე და კარტოფილების შეწითლებამდე (დაახლოებით 90 წუთი).
- 20
მივიტანოთ სუფრაზე თიხის ქოთნებითვე.
Chef's Tips
- ასე მომზადებული ჩანახი კეთდება თითო ქოთანი თითო ადამიანზე - ამიტომ მითითებული წონითი რაოდენობები მიახლოებითია.
- თიხის ქოთნები წინასწარ შეგიძლიათ გაასველოთ წყალში 10-15 წუთით.
- შეგიძლიათ გააკეთოთ ღვინის გარეშეც, მაგრამღვინის დამატება აძლევს კერძს განსაკუთრებულ,ქართულ არომატს.
- არ გადაავსოთ ქოთანი წყლით - დატოვეთ ადგილი მდუღარე სითხისთვის.
- შეგიძლიათ დაამატოთ სხვა ბოსტნეულიც - სტაფილო, ყაბაყი.
- მივირთვათ პურთან ერთად პირდაპირ ქოთნიდან.
- თუ თიხის ქოთნები არ გაქვთ, შეგიძლიათ გამოიყენოთ კერამიკული ან მინის ჭურჭელი ან გააკეთოთ ერთ დიდ თუჯის ქვაბში
რატომაა ჩანახი ქოთანში სასარგებლო
- ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- პომიდორი მდიდარია C ვიტამინით, ლიკოპენითა და ანტიოქსიდანტებით. ხელს უწყობს გულ-სისხლძარღვთა ჯანმრთელობას, კანის მდგომარეობას და იმუნიტეტს.
- კარტოფილი კარგი ენერგიის წყაროა, მდიდარია C ვიტამინით, კალიუმით და ფოლიუმის მჟავით. ხელს უწყობს გულ-სისხლძარღვთა ჯანმრთელობას, კანის მდგომარეობის გაუმჯობესებას და საჭმლის მონელებას.
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- ბულგარული წიწაკა მდიდარია C ვიტამინით, ანტიოქსიდანტებითა და ბეტა-კაროტინით. ხელს უწყობს იმუნიტეტს, კანის ჯანმრთელობას და ანთების შემცირებას.
- ბადრიჯანი მდიდარია ანტიოქსიდანტებით, ვიტამინ B-თი და ცელულოზით. ხელს უწყობს გულის ჯანმრთელობას, საჭმლის მონელებას და ანთების შემცირებას.
- ნიორი აქვს ანტიოქსიდანტური და ანთების საწინააღმდეგო ეფექტი. აძლიერებს იმუნურ სისტემას, ამცირებს სისხლის წნევას, შაქარს და ქოლესტერინს. აქვს ანტიმიკრობული და სოკოს საწინააღდეგო თვისებები.
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
