ინგრედიენტები
- 3 ჭიქა - ნიგოზი
- 1.5 ჭიქა - თაფლი
- 1 სუფრის კოვზი - შაქარი
კვებითი ღირებულება (ერთ პორციაზე)
გოზინაყი მომზადების წესი
- 1
თეთრი ნიგოზის ლებნები მჭრელი დანით დავჭრათ ოდნავ მოგრძო ნაწილებად.
- 2
მოვათავსოთ ღუმელში ან მოვხალოთ ტაფაზე ოდნავ, რომ არ გაწითლდეს.
- 3
გავაგრილოთ და ხელის მორევით ან სულის შებერვით მოვაშოროთ კანი.
- 4
განიერ და სქელძირიან ტაფაზე (სასურველია თუჯის) დავასხათ თაფლი და დავდგათ ცეცხლზე.
- 5
დუღილისას მოვხადოთ ქაფი და ვადუღოთ 10 წუთი.
- 6
დავამატოთ შაქარი და ვურიოთ, სანამ შაქარი სრულად არ გაიხსნება.
- 7
თაფლი ჩავაწვეთოთ ცივწყლიან ლამბაქში - თუ გამაგრდა და არ გაიშალა, მზადაა.
- 8
თაფლში ჩავყაროთ დაჭრილი ნიგოზი.
- 9
განუწყვეტლივ ვურიოთ ხის კოვზით.
- 10
ნიგოზი და თაფლი ოდნავ რომ შეწითლდება, ცხელივე გადავიტანოთ სველ პრიალა დაფაზე ან სილიკონის საფარზე.
- 11
გავშალოთ და გადავანაწილოთ თანაბრად, დაახლოებით 0.5-1 სმ სისქეზე.
- 12
დავჭრათ სანამ კარგად თბილია (მაგრამ არა ცხელი), რომბების ან სხვა სასურველ ფორმებად.
Chef's Tips
- გოზინაყის დაჭრისას დანა დროდადრო შევაცხელოთ - ცხელი დანით დაჭრა უფრო ადვილია.
- თუ გოზინაყიან თეფშს ან ლანგარს შევათბობთ, უფრო ადვილად აძვრება.
- ნიგოზი არ გადაახალოთ - უბრალოდ ოდნავ მოვხალეთ კანის მოსაშორებლად.
- განუწყვეტლივ აურიეთ, რომ არ დაიწვას ან არ გამწარდეს.
რატომაა გოზინაყი სასარგებლო
- ნიგოზი მდიდარია ომეგა-3 ცხიმოვანი მჟავებით, ანტიოქსიდანტებით, მაგნიუმითა და ცილებით. სასარგებლოა გულ-სისხლძარღვთა სისტემისთვის, ტვინის ჯანმრთელობისთვის, ანთების შემცირებისა და კანისთვის.
- თაფლი მდიდარია ანტიოქსიდანტებით, ბუნებრივი შაქრებითა და ანტიბაქტერიული თვისებებით. ხელს უწყობს ენერგიას, ხახის ანთების შემცირებას და იმუნიტეტის გაძლიერებას.
