ძროხის ხორცის კატლეტი
სახლური საქონლის ხორცის კატლეტი -გატარებულ ხორცი ხახვით, მწვანილებითა და კარაქით. ნოყიერი, წვნიანი და უგემრიელესი კერძი, რომელიც გარნირთან ერთად სრულყოფილ სადილს ქმნის.
ინგრედიენტები
- 700 გ - ძროხის ხორცი
- 1 დიდი თავი - ხახვი
- 2 კბილი - ნიორი
- 1 ც - კვერცხი
- 50 გ - კარაქი
- გემოვნებით - ქინძი
- გემოვნებით - რეჰანი
- გემოვნებით - დაფქული პაპრიკა
- გემოვნებით - შავი პილპილი
- 2 ნაჭერი - ტოსტის პური
- გემოვნებით - მარილი
- საჭიროებისამებრ - მჭადის ფქვილი ამოსავლებად
- საჭიროებისამებრ ზეთი შესაწვავად
კვებითი ღირებულება (ერთ პორციაზე)
ძროხის ხორცის კატლეტი მომზადების წესი
- 1
კარაქი მაცივრიდან გამოვიღოთ რამდენიმე საათით ადრე, რომ დარბილდეს.
- 2
ხორცი დავჭრათ პატარა ნაჭრებად.
- 3
დავტოვოთ რამდენიმე ნაჭერი.
- 4
დანარჩენი ნაწილი გავატაროთ ხორცსაკეპ მანქანაში.
- 5
ასევე გავატაროთ ხახვი, ნიორი, მსხვილად დაჭრილი ქინძი თავის ღეროებიანად და რეჰანი.
- 6
გავატაროთ დარჩენილი ხორცის ნაჭრებიც.
- 7
ორი ნაჭერი ტოსტის პური დავალბოთ წყალში.
- 8
კარგად გავწუროთ და ისიც გავატაროთ მანქანაში.
- 9
დავუმატოთ ერთი კვერცხი, მარილი, პაპრიკა და შავი პილპილი.
- 10
კარგად ავზილოთ ხელით.
- 11
ბოლოს დავუმატოთ დარბილებული კარაქი.
- 12
კარგად შევაზილოთ ყველაფერი ერთად.
- 13
გავაკეთოთ კატლეტები სასურველი ფორმისა და ზომის.
- 14
ტაფაზე დავასხათ ზეთი და კარგად გავაცხელოთ.
- 15
კატლეტები ამოვავლოთ მჭადის ფქვილში და დავდოთ ჯერ მაღალ ცეცხლზე რამდენიმე წუთი ორივე მხრიდან, რომ ქერქი გაიკეთოს და არ გამოშრეს.
- 16
შემდეგ დავუწიოთ ცეცხლს და შევწვათ თითო მხარეს დაახლოებით 12-15 წუთი.
- 17
მივირთვათ თბილად, სასურველი გარნირით.
Chef's Tips
- თუ რბილი კატლეტი გინდათ, ბოლო რამდენიმე წუთი შეწვისას ტაფას დახურეთ.
- შეიძლება რეჰანის ნაცვლად გამოიყენოთ ოხრახუში.
- კარაქის დამატება აძლევს კატლეტს ნოყიერებასა და წვნიანობას.
- პური აუცილებელია კატლეტის სტრუქტურისთვის - ის აკავშირებს ინგრედიენტებს.
- კატლეტები იდეალურია კარტოფილის პიურესთან, ბრინჯთან ან სალათასთან.
- შეგიძლიათ წინასწარ მოამზადოთ და გააყინოთ, შემდეგ საჭიროებისამებრ შეწვათ.
რატომაა ძროხის ხორცის კატლეტი სასარგებლო
- ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- ნიორი აქვს ანტიოქსიდანტური და ანთების საწინააღმდეგო ეფექტი. აძლიერებს იმუნურ სისტემას, ამცირებს სისხლის წნევას, შაქარს და ქოლესტერინს. აქვს ანტიმიკრობული და სოკოს საწინააღდეგო თვისებები.
- კვერცხი მდიდარია ცილებით, ანტიოქსიდანტებით და ვიტამინებით (A, D, B12). ხელს უწყობს კუნთების განვითარებას, ტვინის ფუნქციის გაუმჯობესებას და იმუნურ სისტემას.
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
