ბორში
სურნელოვანი და მსუბუქი ბორში ბოსტნეულით — ჭარხლის ფერისა და არომატის მქონე თბილი წვნიანი, რომელიც განსაკუთრებით გემრიელია არაჟანთან ან მაწონთან ერთად. მარტივი, ბიუჯეტური და ყოველდღიური სადილისთვის იდეალური ვარიანტია.
ინგრედიენტები
- 1 პატარა თავი კომბოსტო
- 2 ც მოზრდილი სტაფილო
- 1 ც საშუალო ჭარხალი
- 3 ც დიდი ზომის კარტოფილი
- 2 ც საშუალო ხახვი
- გემოვნებით ნიახური
- გემოვნებით ოხრახუში
- გემოვნებით მარილი
- 2 ს.კ. ზეთი
- სურვილისამებრ 1–2 ც დაფნის ფოთოლი
- სურვილისამებრ ცოტაოდენი წითელი მჟავე კომბოსტო
- სერვირებისთვის არაჟანი ან მაწონი
კვებითი ღირებულება (ერთ პორციაზე)
ბორში მომზადების წესი
- 1
სტაფილო და ჭარხლის ნახევარი დავჭრათ სასურველ ზომებად (ან სურვილისამებრ დავახეხოთ).
- 2
ქვაბში გავაცხელოთ ზეთი, დავამატოთ სტაფილო და ჭარხალი და დაბალ ცეცხლზე მოვშუშოთ/მოვხრაკოთ, რომდარბილდეს და არომატი გამოუშვას.
- 3
დავამატოთ გაფცქვნილი მთლიანი ხახვი და მოვშუშოთ კიდევ 2–3 წუთი.
- 4
დავასხათ სასურველი რაოდენობის წყალი, ჩავყაროთ დიდი კუბებად დაჭრილი კარტოფილი და ავადუღოთ.
- 5
დავამატოთ წვრილად დაჭრილი კომბოსტო და ვადუღოთ დაბალ ცეცხლზე, სანამ კარტოფილი სრულად მოიხარშება
- 6
დავუმატოთ დაჭრილი მწვანილი (ნიახური და ოხრახუში), თხლად დაჭრილი ჭარხლის მეორე ნახევარი და მარილი
- 7
ვადუღოთ კიდევ 3–5 წუთი, შემდეგ გამოვრთოთ და გავაჩეროთ თავდახურული 10 წუთი, რომ გემოები შეერთდეს.
- 8
მივიტანოთ სუფრასთან არაჟანთან ან მაწონთან ერთად.
Chef's Tips
- შეგიძლიათ ხახვიც წვრილად დაჭრათ და სტაფილოსთან და ჭარხალთან ერთად მოაშუშოთ — უფრო ინტენსიურ გემოს მიიღებთ.
- ასევე შესაძლებელია სტაფილო და ჭარხალი სახეხზე გახეხოთ — ბორში უფრო ერთგვაროვანი და სწრაფად მოსახარშავი გამოდის.
- ცოტაოდენი წითელი მჟავე კომბოსტო სასიამოვნო მჟავიანობას აძლევს ბორშს.
- ბორშს ძალიან უხდება 1–2 ც დაფნის ფოთოლი, რომელიც მწვანილთან ერთად დაამატეთ და ბოლოს ამოიღეთ.
- თუ უფრო მკვეთრი გემო გინდათ, შეგიძლიათ ბოლოს 1–2 ჩ.კ. ლიმონის წვენი ან ძმარი ამ შავი პილპილი დაუმატოთ (სურვილისამებრ).
რატომაა ბორში სასარგებლო
- კომბოსტო მდიდარია C, K და B ვიტამინებით, ასევე კალიუმით და რკინით. ამცირებს ცუდლ ქოლესტერინს და არეგულირებს წნევას. აზლიერებს იმუნიტეტს და ძვლებს. აქვს ანთების საწინააღმდეგო ეფექტი და იცავს უჯრედებს დაზიანებისგან.
- კარტოფილი კარგი ენერგიის წყაროა, მდიდარია C ვიტამინით, კალიუმით და ფოლიუმის მჟავით. ხელს უწყობს გულ-სისხლძარღვთა ჯანმრთელობას, კანის მდგომარეობის გაუმჯობესებას და საჭმლის მონელებას.
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
- მაწონი შეიცავს პრობიოტიკებს, რომლებიც ხელს უწყობენ ნაწლავების ჯანმრთელობას, საჭმლის მომნელებელ სისტემას, წონის რეგულირებას და ქოლესტერინის დონის შემცირებას სისხლში.
- არაჟანი შეიცავს პრობიოტიკებს, რაც აუმჯობესებს ნაწლავების ფუნქციონირებას. შეიცავს ჯანმრთელ ლიპიდებს, რაც არეგულირებს წონას და დევნის ჭარბ ცხიმს ორგანიზმიდან.
