ტოლმა ვაზის ფოთოლში
ტოლმა ვაზის ფოთლებში — ნაზი ხორცის გუნდები, შეხვეული ვაზის ფოთლებში მაწონთან ან არაჟანთან ერთად - თურქული, სომხური ან ბერძნული კერძია, რომელიც ქართულ სუფრასაც ამშვენებს.
ინგრედიენტები
- 1 კგ - ძროხის ან ცხვრის რბილი ხორცი
- 4 თავი - ხახვი
- საჭიროებისამებრ - ვაზის ფოთოლი
- გემოვნებით - ოხრახუში
- გემოვნებით - ქინძი
- გემოვნებით - პილპილი
- გემოვნებით - მარილი
- 1 ც - კვერცხი
- 500 გ - მაწონი ან არაჟანი
კვებითი ღირებულება (ერთ პორციაზე)
ტოლმა ვაზის ფოთოლში მომზადების წესი
- 1
გარეცხილი და დაჭრილი ძროხის ან ცხვრის ხორცი და ხახვი გავატაროთ ხორცსაკეპ მანქანაში ორჯერ.
- 2
დავუმატოთ შავი პილპილი, მარილი, კვერცხი, წვრილად დაჭრილი ქინძი და ოხრახუში.
- 3
კარგად ავზილოთ და გავაერთიანოთ ყველა ინგრედიენტი.
- 4
ვაზის ფოთოლი გავარჩიოთ და გავრეცხოთ.
- 5
დავასხათ მდუღარე წყალი და წამოვადუღოთ რამდენიმე წუთი.
- 6
წამოდუღებული ვაზის ფოთლები ამოვალაგოთ და ცალ-ცალკე გავაციოთ.
- 7
კაკლისოდენა ხორცის გუნდები შევახვიოთ ვაზის ფოთლებში ლამაზად.
- 8
ჩავაწყოთ შეხვეული ტოლმები ქვაბში მჭიდროდ, ერთმანეთის გვერდით.
- 9
დავასხათ წყალი, რომ დაფაროს, და დავდგათ მოსახარშად.
- 10
მოვხარშოთ ზომიერ ცეცხლზე დაახლოებით 50-60 წუთი.
- 11
მოხარშული ტოლმები ამოვალაგოთ ლანგარში ან თეფშზე.
- 12
მოვასხათ მაწონი ან არაჟანი და მივირთვათ ცხლად.
Chef's Tips
- ვაზის ფოთლები არ გადაადუღოთ, უბრალოდ წამოადუღეთ.
- ტოლმების შეხვევისას კარგად მოახვიეთ, რომ ხარშვისას არ გაიშალოს.
- შეგიძლიათ დაამატოთ ბრინჯი ხორცის ნარევს უფრო დიდი მოცულობისთვის.
- მაწონი ან არაჟანი აძლევს ტოლმას ტრადიციულ მჟავე გემოს.
- დარჩენილი ვაზის ფოთლებით დაფარეთ ტოლმების ზედა ფენა ხარშვისას.
რატომაა ტოლმა ვაზის ფოთოლში სასარგებლო
- ხორცი ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- ვაზის ფოთოლი მდიდარია რკინით. ამაგრებს სისხლძარღვებს და იცავს ათეროსკლეროზისგან. სასარგებლოა ხველის დროს
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
- კვერცხი მდიდარია ცილებით, ანტიოქსიდანტებით და ვიტამინებით (A, D, B12). ხელს უწყობს კუნთების განვითარებას, ტვინის ფუნქციის გაუმჯობესებას და იმუნურ სისტემას.
- მაწონი შეიცავს პრობიოტიკებს, რომლებიც ხელს უწყობენ ნაწლავების ჯანმრთელობას, საჭმლის მომნელებელ სისტემას, წონის რეგულირებას და ქოლესტერინის დონის შემცირებას სისხლში.
- არაჟანი შეიცავს პრობიოტიკებს, რაც აუმჯობესებს ნაწლავების ფუნქციონირებას. შეიცავს ჯანმრთელ ლიპიდებს, რაც არეგულირებს წონას და დევნის ჭარბ ცხიმს ორგანიზმიდან.
