ტოლმა კომბოსტოს ფოთოლში
ტრადიციული აზიური ტოლმა კომბოსტოს ფოთლებში — ხორცის ნაზი გუნდები ბრინჯით, შეხვეული მსხვილ კომბოსტოს ფოთლებში და მოხარშული პომიდვრის სოუსში. საზეიმო, გემრიელი და ჯანსაღი კერძი.
ინგრედიენტები
- 1 კგ - ძროხის რბილი ხორცი
- 4 თავი - ხახვი
- 1 თავი - სატოლმე კომბოსტო
- გემოვნებით - ოხრახუში, ქინძი, რეჰანი
- გემოვნებით - ქონდარი, პილპილი
- გემოვნებით - მარილი
- 1 ჩაის ჭიქა - ბრინჯი
- 1 კგ - პომიდორი
- 500 გ - მაწონი ან არაჟანი
კვებითი ღირებულება (ერთ პორციაზე)
ტოლმა კომბოსტოს ფოთოლში მომზადების წესი
- 1
გარეცხილი და დაჭრილი ძროხის ხორცი და ხახვი გავატაროთ ხორცსაკეპ მანქანაში ორჯერ.
- 2
დავუმატოთ შავი პილპილი, მარილი, წვრილად დაჭრილი ქინძი, ოხრახუში, რეჰანი და ქონდარი.
- 3
დავამატოთ ბრინჯი და კარგად ავზილოთ ყველა ინგრედიენტი.
- 4
კომბოსტოს სათითაოდ მოვაშოროთ მთლიანი ფოთლები.
- 5
ჩავდოთ მდუღარე წყალში და გავთუთქოთ რამდენიმე წუთი.
- 6
ამოღებულ ფოთლებს დანით ფრთხილად ავათალოთ შუა ღერის სქელი ნაწილი.
- 7
1-2 სუფრის კოვზი ხორცის გუნდა ჩავდოთ თითოეულ ფოთოლში და კარგად გადავხვიოთ.
- 8
ჩავალაგოთ ქვაბში მჭიდროდ, ერთმანეთის გვერდით.
- 9
გატარებულ პომიდორს ან ტომატიან წყალს დავუმატოთ ცოტა მარილი და შავი პილპილი.
- 10
დავასხათ ტოლმებს პომიდვრის სოუსი, რომ კარგად დაფაროს.
- 11
დავდგათ ცეცხლზე და ვხარშოთ ზომიერ ცეცხლზე 60-75 წუთი, მზადყოფნამდე.
Chef's Tips
- კომბოსტოს ფოთლები არ გადაათუთქოთ, მხოლოდ უნდა დარბილდეს.
- ღერის სქელი ნაწილის მოშორება გააოლებს შეხვევას.
- ტოლმების შეხვევისას მჭიდროდ მოახვიეთ, მაგრამ არა ძალიან, რომ ბრინჯს ადგილი დარჩეს გაბერვისთვის.
- შეგიძლიათ გამოიყენოთ როგორც ახალი პომიდორი, ისე ტომატის პასტა.
- ხორცს შეგიძლიათ დაუმატოთ 1ც კვერცხი
რატომაა ტოლმა კომბოსტოს ფოთოლში სასარგებლო
- ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- კომბოსტო მდიდარია C, K და B ვიტამინებით, ასევე კალიუმით და რკინით. ამცირებს ცუდლ ქოლესტერინს და არეგულირებს წნევას. აზლიერებს იმუნიტეტს და ძვლებს. აქვს ანთების საწინააღმდეგო ეფექტი და იცავს უჯრედებს დაზიანებისგან.
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
- ბრინჯი არ შეიცვას გლუტენს. ხელს უწყობს საჭმლის მონელებას და გულის ჯანმრთელობას. ამაღლებს სეროტონინს - კარგ ხასიათზე მომყვან ჰორმონს. არეგულირებს მადას.
- პომიდორი მდიდარია C ვიტამინით, ლიკოპენითა და ანტიოქსიდანტებით. ხელს უწყობს გულ-სისხლძარღვთა ჯანმრთელობას, კანის მდგომარეობას და იმუნიტეტს.
- მაწონი შეიცავს პრობიოტიკებს, რომლებიც ხელს უწყობენ ნაწლავების ჯანმრთელობას, საჭმლის მომნელებელ სისტემას, წონის რეგულირებას და ქოლესტერინის დონის შემცირებას სისხლში.
- არაჟანი შეიცავს პრობიოტიკებს, რაც აუმჯობესებს ნაწლავების ფუნქციონირებას. შეიცავს ჯანმრთელ ლიპიდებს, რაც არეგულირებს წონას და დევნის ჭარბ ცხიმს ორგანიზმიდან.
