საზამთროს მურაბა

ინგრედიენტები

• 200 გ - კირი
• 1/5 ს.კ. - შაბი
• 1 კგ - მურაბისთვის მომზადებული საზამთროს ქერქი
• 1 კგ შაქარი
• 3 ჭიქა წყალი
• ვანილი - გემოვნებით

საზამთროს მურაბა მომზადების წესი

1. 1

   მოამზადე საზამთროს ქერქები მურაბისთვის.

2. 2

   საზამთროს რბილობი გამოიღეთ და მიირთვით გემრიელად

3. 3

   დარჩენილ ქერქს მოათალეთ მწვანე კანი.

4. 4

   დაჭერით სასურველ ლამაზ ფორმებად და ალაგ-ალაგ დაჩხვლიტეთ ჩანგლით.

5. 5

   მოათავსეთ კირიან წყალში (200გ კირი წყალში გახსნილი), რომ დაფაროს, და გააჩერეთ 2 საათი.

6. 6

   ამოიღეთ და კარგად გარეცხეთ გამდინარე წყალში.

7. 7

   ჩაყარეთ ქვაბში, დაასხით წყალი, წამოადუღეთ და ადუღეთ 10 წუთი.

8. 8

   გადაუსხით მდუღარე წყალი, ჩაასხით ახალი წყალი, დაამატეთ ნახევარი სუფრის კოვზი შაბი.

9. 9

   ისევ წამოადუღეთ და ადუღეთ 10 წუთი.

10. 10

    ამოიღეთ საზამთროს ნაჭრები და გადაიტანეთ საწურზე.

11. 11

    ქვაბში აადუღეთ წყალი, ჩაყარეთ ნახევარი ჩაის ჭიქა შაქარი, ჩააწყეთ საზამთროს ნაჭრები.

12. 12

    წამოადუღეთ და ადუღეთ 10 წუთი, შემდეგ ამოალაგეთ და გადაიტანეთ საწურზე.

13. 13

    აწონეთ დაწურული საზამთროს ნაჭრები და აზომეთ პროპორციულად საჭირო წყალი (3 ჭიქა) და შაქარი (1კგ) 1კგ საზამთროს ქერქებზე

14. 14

    ქვაბში ჩაასხით წყალი, აადუღეთ, დაამატეთ შაქარი და გაახსენით.

15. 15

    ჩაყარეთ საზამთროს ნაჭრები და ხარშეთ, სანამ საზამთრო გამჭვირვალე არ გახდება.

16. 16

    ცეცხლის გადმოდგმის შემდეგ დაამატეთ ვანილი.