ხინკალი
ქართული ტრადიციული კერძი — ხორცით სავსე ცომის ტომრები, ცხლად მოხარშული,წვნიანი და შავ პილპილ მოყრილი. ქართული სამზარეულოს სიმბოლო, რომელიც თავისი ხორციანი, წვნიანი შიგთავსით და უნიკალური გემოთი იპყრობს ყველას.
ინგრედიენტები
- 300 გ - ძროხის ხორცი
- 200 გ - ღორის ხორცი
- 3 თავი - ხახვი
- 500 გ - ფქვილი
- გემოვნებით - პილპილი
- გემოვნებით - ქონდარი
- გემოვნებით - მარილი
- 1 ჩაის ჭიქა წყალი - ცომისთვის
- 1-2 ჩაის ჭიქა თბილი წყალი ფარშისთვის
- გემოვნებით ძმარი მიწოდებისთვის
კვებითი ღირებულება (ერთ პორციაზე)
ხინკალი მომზადების წესი
- 1
ფქვილი მოაგროვეთ გორაკად, შუა ადგილზე ჩააღრმავეთ ორმო.
- 2
ჩაასხით 1 ჩაის ჭიქა წყალი, დაამატეთ მარილი.
- 3
მოზილეთ მაგარი, ელასტიური ცომი.
- 4
დაფარეთ და დაასვენეთ ცომი სულ ცოტა ნახევარი საათით.
- 5
ამ დროს დაჭრილი ხორცი გაატარეთ ხორცსაკეპ მანქანაში ხახვთან ერთად.
- 6
დაამატეთ შავი პილპილი, მთის ქონდარი და მარილი.
- 7
კარგად აურიეთ და დაამატეთ იმდენი თბილი წყალი, რამდენსაც შეიზელს მორევისას (1-2 ჩაის ჭიქა).
- 8
ცომი გავაბრტყელოთ, გამოვჭრათ მრგვალი ნაჭრები და თითოეული გავაბრტყელოთ დიდი ლამბაქის ან დესერტის თეფშის ზომაზე.
- 9
შუაგულში ჩავდოთ ერთი სუფრის კოვზი ფარში.
- 10
შემოვუკეცოთ ნაპირები ნაკეცების ერთმანეთზე გადადებით.
- 11
მოვგრიხოთ და მივცეთ მრგვალი ფორმა.
- 12
კუჭები ხელით მოვტკეპნოთ, რომ არ გაიხსნას.
- 13
მოვათავსოთ ასეთი ხინკლები მდუღარე მარილიან წყალში.
- 14
ქვაბი დროდადრო შევარხიოთ ან ფრთხილად მოვურიოთ, რომ ხინკლები არ მიიკრას.
- 15
როდესაც ყველა ხინკალი ზედაპირზე ამოტივტივდება, ვადუღოთ კიდევ 5 წუთი.
- 16
ამოღების წინ ხინკალს ზემოდან მოვასხათ ცივი წყალი.
- 17
ქაფქირით ან პატარა საწურით ფრთხილად ამოვიღოთ.
- 18
მივიტანოთ სუფრაზე ცხელი, შავ პილპილთან და ძმართან ერთად.
Chef's Tips
- ცომის მოზელისას შეგიძლიათ დაამატოთ კვერცხი უფრო ელასტიური ცომისთვის.
- ხორცის შიგთავსს შეგიძლიათ დაამატოთ ან ძირა,ან ქინძი და ოხრახუში სხვადასხვა რეგიონის ვარიაციისთვის.
- მთიულური ვერსიისთვის ხორცი გატარების ნაცვლად წვრილად უნდა დაკეპოთ.
- ცომი რაც უფრო თხელი იქნება, მით უკეთესია, მაგრამ ძალიან არ გაათხელოთ, რომ არ გაიხეს.
- ფარში საკმარისად თხევადი უნდა იყოს, რომ ხინკალში წვენი მიიღოთ.
- ხინკალი მიირთვით ხელით.
- ხინკალი ხარშვისას არ ჩაიშლება, თუ წყალს ერთ კოვზ კარტოფილის ფქვილს დაუმატებთ.
რატომაა ხინკალი სასარგებლო
- ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
