ყალია საქონლის ხორცით
აღმოსავლური ტრადიციული კერძი - ნაზი საქონლის ხორცი წითელი ღვინოსა და ბროწეულის წვენში მოთუშული, კარტოფილის პიურესთან ერთად, მდიდარი, არომატული და პიკანტური გემოთი.
ინგრედიენტები
- 1 კგ - საქონლის რბილი ხორცი
- 3 თავი - ხახვი
- 50 გ - კარაქი
- გემოვნებით - ზეთი
- 400 მლ - წითელი ღვინო
- 400 მლ - ბროწეულის წვენი
- გემოვნებით - ხმელი ქინძი
- გემოვნებით - დაღერღილი წითელი წიწაკა
- 50 გ - დაჭრილი ქინძი
- გემოვნებით - მარილი
- გემოვნებით - ბროწეული
კვებითი ღირებულება (ერთ პორციაზე)
ყალია საქონლის ხორცით მომზადების წესი
- 1
ხორცი დავჭრათ საშუალო ნაჭრებად.
- 2
გახურებულ ტაფაზე მოვასხათ ცოტა ზეთი.
- 3
გადავიტანოთ ხორცის ნაჭრები.წვენს გაუშვებს.
- 4
როდესაც წვენი ამოშრება, დავამატოთ ალყა-ალყა დაჭრილი ხახვი და კარაქი.
- 5
დავუწიოთ ძალიან დაბალ ცეცხლზე და თავდახურული მოვთუშოთ 20-30 წუთის განმავლობაში.
- 6
შიგადაშიგ ამოვურიოთ.
- 7
დავამატოთ წითელი ღვინო და ავუწიოთ ძალიან მაღალ ცეცხლზე 2-3 წუთით, რომ ალკოჰოლი ამოორთქლდეს.
- 8
შემდეგ დავამატოთ ბროწეულის წვენი.
- 9
ისევ დავუწიოთ ცეცხლს და თავდახურული ვთუშოთ 20 წუთით.
- 10
ბოლოს დავამატოთ მარილი, ხმელი ქინძი, დაღერღილი წიწაკა და დაჭრილი ქინძი.
- 11
ვთუშოთ, სანამ ხორცი ძალიან რბილი არ გახდება.
- 12
მოვამზადოთ კარტოფილის პიურე.
- 13
გადავიტანოთ პიურე თეფშზე მრგვალად.
- 14
შუაში ამოვაღრმავოთ და მოვათავსოთ ყალია.
- 15
მოვაყაროთ ბროწეულის მარცვლები და დაჭრილი ცოცხალი ქინძი.
- 16
მივირთვათ ცხლად.
Chef's Tips
- ხორცი უნდა იყოს რბილი
- შეგვიძლია იგივენაირად გავაკეთოთ ქათმისგანაც
- ღვინოს მაღალ ცეცხლზე დუღილი აუცილებელია ალკოჰოლის მოსაცილებლად.
- საჭრო რაოდენობის ბროწეულის წვენისთვის დაგჭირდებათ 5 ცალი ბროწეული.
- კარტოფილის პიურე შეგიძლიათ შეცვალოთ ღომით ან ბრინჯით.
რატომაა ყალია საქონლის ხორცით სასარგებლო
- ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
