ჩაქაფული ბატკნის ან ხბოს ხორცით
ჩაქაფული — გაზაფხულის სიმბოლო ქართულ სუფრაზე. არომატული ტარხუნა, მწვანილები, ალუჩა და ნაზი ბატკნის ან ხბოს ხორცი ქმნის გამორჩეულ გემოს და სურნელს, რომელიც ავსებს მთელ სამზარეულოს.
ინგრედიენტები
- 1 კგ — ბატკნის ან ხბოს ხორცი
- 200 გ — მწვანე ხახვი
- 200 გ — ქინძი
- 200 გ — ოხრახუში
- 400 გ — ტარხუნა (მხოლოდ ქორფა ნაწილები)
- 100 გ - პიტნა
- 100 გ — ახალი ნიორის ღეროები
- 10 ცალი — ტყემალი ან მჟავე ალუჩა
- 200 მლ — თეთრი ღვინო
- 2-3 ცალი — მწვანე წიწაკა
- გემოვნებით — მარილი
კვებითი ღირებულება (ერთ პორციაზე)
ჩაქაფული ბატკნის ან ხბოს ხორცით მომზადების წესი
- 1
ყველა მწვანილი კარგად და დიდხანს გარეცხე.
- 2
გამოიყენე ტარხუნის მხოლოდ ზედა ქორფა ნაწილები და ქვედა უეში ღეროებისგან განცალკევებული ფოთლები.
- 3
ყველა მწვანილი დაჭერი საშუალო ზომაზე — არც ძალიან წვრილად და არც დიდად.
- 4
დიდ ქვაბში დაალაგე ერთი ფენა ხორცი და მოაყარე მარილი.
- 5
ხორცის ზედა ფენაზე მოაყარე მწვანილები, დაამატე 2-3 ცალი ალუჩა ან ტყემალი და ნიორის ფოთლები.
- 6
განაგრძე ფენებად — ისევ ხორცი, ისევ მწვანილები, სანამ ინგრედიენტები არ ამოიწურება.
- 7
ზედა ფენაზე დაამატე მწვანე წიწაკა, დაასხი ღვინო და იგივე რაოდენობის წყალი.
- 8
დადგი მაღალ ცეცხლზე ადუღებამდე, შემდეგ დატოვე დაბალ ცეცხლზე თავდახურული და ხარშე 1 საათის განმავლობაში.
- 9
მზადების პროცესის განმავლობაში არ მოურიო.
- 10
მიიტანე სუფრაზე ცხელი
Chef's Tips
- თუ გიყვარს უფრო მჟავე გემო, დაამატე მეტი ტყემალი ან ალუჩა.
- პიტნა - შენი რეცეპტის საიდუმლო ინგრედიენტია
- ხბოს ხორცი უფრო ნაზი და მსუბუქი ვერსიისთვის გამოიყენე, ხოლო ბატკანი — კლასიკური გემოსთვის.
რატომაა ჩაქაფული ბატკნის ან ხბოს ხორცით სასარგებლო
- ხორცი ხორცი ცილის უმნიშვნელოვანესი წყაროა და მისი მოხმარებით ორგანიზმი უზრუნველყოფილია ყველა იმ ამინომჟავათი, რომელთა მიღებაც მცენარეული საკვებიდან შეუძლებელია .
- ხბოს ხორცი მაღალი ცილებით, რკინითა და B ვიტამინებით. ხელს უწყობს სისხლის ხარისხის გაუმჯობესებას, ენერგიის მომატებას და კუნთოვანი მასის შენარჩუნებას.
- ხახვი მდიდარია ანტიოქსიდანტებით, C ვიტამინით და ქრომით. ხელს უწყობს გულ-სისხლძარღვთა ჯანმრთელობას, ანთების შემცირებას და იმუნიტეტს.
- ქინძი მდიდარია ვიტამინებით, შეიცავს ანტიოქსიდანტებს. ხელს უწყობს საჭმლის მონელებას, გულის ჯანრმთელობას, არეგულირებს შაქრის დონეს სისხლში და აძლიერებს იმუნიტეტს
- ოხრახუში მდიდარია A, C, და K ვიტამინებით. ხელს უწყობს თვალების ჯანმრთელობას, ძვლების სიმყარეს, საჭმლის მონელებას. აქვს შარდმდენი ეფექტი
- ტარხუნა მდიდარია მანგანუმით, რკინითა და კალიუმით. ხელს უწყობს საჭმლის მონელებას და ამცირებს ანთებას. აქვს ანტიმიკრობული თვისებები, არეგულირებს ძილს.
- ნიორი აქვს ანტიოქსიდანტური და ანთების საწინააღმდეგო ეფექტი. აძლიერებს იმუნურ სისტემას, ამცირებს, სისხლის წნევას, შაქარს და ქოლესტერინს. აქვს ანტიმიკრობული და სოკოს საწინააღდეგო თვისებები.
