ინგრედიენტები
- 1 კგ - ალუბალი
- 3 ც - კვერცხი
- 150 გ - კარაქი
- 150 გ - შაქარი
- 150 გ - ფქვილი
- 1 ც - ლიმონი
- საჭიროებისამებრ ვანილი
- საჭიროებისამებრ სოდა (0.5 ჩ.კ.)
კვებითი ღირებულება (ერთ პორციაზე)
ალუბლის ნამცხვარი მომზადების წესი
- 1
ალუბალი გავრეცხოთ, მოვაცილოთ კურკები და გავაშროთ .
- 2
ლიმონი გავხეხოთ სახეხზე და მოვაშოროთ ცედრა.
- 3
დარბილებული კარაქი კარგად ავთქვიფოთ.
- 4
თანდათანობით დავუმატოთ შაქარი და ვთქვიფოთ 3-4 წუთი.
- 5
დავამატოთ ვანილი და ლიმონის ცედრა.
- 6
შემდეგ სათითაოდ ავთქვიფოთ და ჩავამატოთ კვერცხები.
- 7
თითოეული კვერცხის დამატების შემდეგ კარგად ავურიოთ.
- 8
ნაწილ-ნაწილ დავამატოთ ფქვილი და ფრთხილად ავურიოთ.
- 9
შემდეგ დავამატოთ თხელი ჩაის კოვზით სოდა.
- 10
ფრთხილად ავურიოთ ყველაფერი.
- 11
საცხობ ფორმას გადავაფაროთ პერგამენტი ან საცხობი ქაღალდი.
- 12
მომზადებული მასა გადავიტანოთ საცხობ ფორმაში და გავასწოროთ.
- 13
ზემოდან მოვათავსოთ გამზადებული ალუბლები.
- 14
შევდგათ წინასწარ გახურებულ ღუმელში 180 გრადუსზე.
- 15
გამოვაცხოთ 35-40 წუთი.
- 16
ამ დროის გასვლის შემდეგ ჩავარჭოთ ცომში ხის ჩხირი.
- 17
თუ ჩხირს მიეკრო სველი ცომი, გადავაფაროთ ფოლგა და დავტოვოთ კიდევ 10 წუთი.
- 18
გავაგრილოთ და მივირთვათ.
Chef's Tips
- შეგიძლიათ გამოიყენოთ როგორც ახალი, ისე გაყინული ალუბალი.
- ცომში შეგიძლიათ დავამტოთ 100გ დაჭრილი ნიგოზი
- კარაქი და კვერცხები ოთახის ტემპერატურის უნდა იყოს.
- ზემოდან შეგიძლიათ მოაყაროთ ნუშის ფანტელი ან სეზამი.
- ნამცხვარი უკეთესად ინახება ჰერმეტულ კონტეინერში 3-4 დღე.
- გემრიელია როგორც თბილი, ისე ცივი, ნაყინთან ან თხევადი კრემთან ერთად.
- თუ ალუბალი ძალიან მჟავეა, შეგიძლიათ შაქარში ამოავლოთ და ისე გააშროთ.
რატომაა ალუბლის ნამცხვარი სასარგებლო
- ალუბალი მდიდარია ვიტამინებით და მინერალებით, რომლებიც აძლიერებენ იმუნურ სისტემას. მასში შემავალი ბუნებრივი მელატონინი არეგულირებს ძილს. ასევე სასარგებლოა დაბალი ჰემოგლობინის ან ანთებითი პროცესების დროს.
- კვერცხი მდიდარია ცილებით, ანტიოქსიდანტებით და ვიტამინებით (A, D, B12). ხელს უწყობს კუნთების განვითარებას, ტვინის ფუნქციის გაუმჯობესებას და იმუნურ სისტემას.
- კარაქი მდიდარი A, D, K ვიტამინებით. სასარგებლოა ძვლის ჯანმრთელობისთვის, იმუნიტეტის გასაძლიერებლად და ენერგიის მისაღებად, თუმცა ზომიერად უნდა იქნას გამოყენებული.
- ლიმონი მდიდარია C ვიტამინთ, რაც აძლიერებს იმუნურ სისტემას, აქვეითებს ქოლესტერინს და წნევას, ხელს უწყობს ორგანიზმისმიერ რკინის შეწოვას. მასში შემავალი ლიმონმჟავა ხელს უშლის თირკმელში კენჭის წარმოქმნას.
